Ministrja e re e Arsimit Evis Kushi e propozuar nga kryeministri Edi Rama, ditën e parë të vitit shkollor, është dekretuar tashmë edhe nga Presidenti Ilir Meta. Kreu i shtetit ka firmosur breda ditës pa snjë hezitim propozimin e mbërritur në zyrën e tij nga kryeministri i vendit. Pritet që dekreti i emerimit të ministres së re të Arsimit, sipas procedurës të kalojë për miratim në parlament e më pas ajo të bëjë betimin pranë kreut të shtetit për të nisur zyrtarisht detyrën. Deputetja e Qarkut të Elbasanit dhe pedagogia e ekonomisë Evis Kushi do të zevendësojë në postin e ministres së arsimit, Besa Shahinin, e cila mbajti këtë post për më shumë se një vit e gjysmë. Largimi i Besa Shahinit nga detyra kishte kohe që përflitej, por vet ministrja e konfirmoi së fundmi në një intervistë për mediat se ajo nuk do të mbante më postin e ministres së Arsimit dhe do të largohej nga Shqipëria. Deklarata e saj shkaktoi reagime të shumta dhe duket se përshpejtoi edhe vendimin kryeministrit për ta zevendësuar me shpejtësi, e duke zgjedhur ditën e parë të shkollës, për të prezantuar përmes një video ku ishte e pranishme edhe vet Besa Shahini, kalimin e drejtimit të ministrisë deputetets Evis Kushi.