Ministri i mbrojtjes Niko Peleshi u prit këtë të enjte në ambientet e Pentagonit, nga sekretari amerikan i Mbrojtjes, Lloyd Austin. Takimi u bë me dije nga të dy zyrarët, ndërsa ishin po vetë ata, të cilët ndanë një pjesë të asaj që u diskutua në tryezë. Sekretari amerikan i Mbrojtjes shprehu mirënjohjen për angazhimin e Shqipërisë në aktivitetet që rrisin vigjilencën e NATO-s në Bullgari, ndërsa u shpreh se ky takim vjen në një periudhë tepër kritike për sigrurinë e Eurpës. Austin gjithashtu vlerësoi bashkëpunimin 30 vjecar mes palës amerikane dhe asaj shqiptare në fushën e mbrotjes. Ai nuk la pa përmendur edhe kontributet e Shqipërisë në misionet e NATO-s në Ballkan dhe Evropën Qendrore. Nga ana tjetër, Niko Peleshi u shpreh se Shtetet e Bashkaura mund të bëjnë më mirë, në kohën kur agresioni rus ka tronditur qëndrueshmërinë në botë, veçanërisht në rajonin e Ballkanit Perëndimor. “E kuptojmë rolin tonë në Ballkanin Perëndimor. Ne jemi vendi më i vendosur në rajon në orientimin perëndimor. Mbështetemi tek Shtetet e Bashkuara dhe duam të ndihmojmë në planet e aleancës”, tha Peleshi. Në tryezës e bisedimeve, mes tyre u fol edhe për sulmin e vitit të kaluar kibernetik ndaj Shqipërisë dhe ndihmën e ofruar nga Garda Kombëtare e Nju Xhersit. Sekretari amerikan i Mbrojtjes tha se puna e përbashkët për forcimin e mbrojtjes kibernetike të Ministrisë së Mbrojtjes së Shqipërisë do të vazhdojë.