Një përpjekje e fundit për kuqezinjtë para pauzës së kombëtaeve, me qëlim sigurimin e një tjetër rezultati pozitiv në sfidën përballë Parmës. Pas triumfit në shtëpi me rezultatin e ngushtë 1 me 0 përballë Romës, Milani do të udhëtojë në transfertë për të luajtur me Parmën në javën e njëmbëdhjetë të Seria A. “Po përballemi me një ekip që i bën kundërshtarët e tyre të luajnë dobët duke e ngritur shumë topin. Do të duhet të jemi të kujdesshëm sepse ata do të kërkojnë të bëjnë diçka të jashtëzakonshme.", tha Alegri në konferencën për shtyp ndërsa vendosi theksin tek fitorja. Pa Gimenez, sulmi i Rossonerëve do të mbështetet teK Leao dhe Nkunku : "Ata mund të luajnë si qendërsulmues. Rafa mund të përmirësohet si të gjithë të tjerët dhe ne kemi nevojë për më shumë qëndrueshmëri para portës.Pulisic është rikuperuar : Ai po luan mirë, si Estupinan dhe Jashari.", shtoi Alegri ndërsa u përpoq që të hiqte vëmendjen nga derbi me Interin ku fitorja do të jetë oblikgim për të dy skuadrat. “Problemi është se kemi pësuar gola që mund të shmangeshin. Nuk ishte rastësi që pësuam gola nga krosimet kundër Cremoneses, apo që nuk arritëm të dyfishonim epërsinë tonë kundër Pizës në momentin tonë më të mirë. Duhet të përmirësohemi sepse kur e kuptojmë se kundërshtarët tanë janë në prag të dështimit, duhet ta përfundojmë ndeshjen. Kundër Parmës, përballemi me një ekip që do të kërkojë pikë pas rezultateve negative. Le të mos mendojmë për derbin, i cili do të vlejë tre pikë njësoj si ndeshja me Parmën. Një fitore është e rëndësishme për renditjen dhe për të kaluar pushimin me qetësi, pasi nuk do të shkosh në derbi duke u ndjerë i sigurt gjithsesi. Le të përqendrohemi te Parma, e cila ka tre pikë më të rëndësishme se ato në derbi.”, tha Alegri para gazetarëve.