Ish ministri i Bujqësisë dhe një nga figurat kryesore të Lëvizjes Socialiste për Integrim në vite, Edmond Panariti, është emëruar drejtor i kabinetit të Presidentit Ilir Meta. Përmes një njoftimi për shtyp presidenca ka bërë të ditur se për shkak të forcimit të prioriteteve të reja të institucionit të presidentit me qëllim përballimin me sukses të sfidave që parashtron koha në funksion të interesit kombëtar, sic janë pandemia e Covid 19, sfidat me të cilat përballet faktori shqiptar, sfida e arsimit, shpopullimit te vendit dhe mjedisit, është vendosur emerimi i Panaritit në këtë detyrë të rëndësishme. Zyra e shtypit e Presidencës ka bërë të ditur edhe disa lëvizje të tjera që janë bërë në stafin e ngushtë të kreut të shtetit. Kështu konfirmohet se ish kreu i SHISH Bahri Shaqiri, ka dhënë dorëheqjen nga detyra e këshilltarit për çështjet e sigurisë kombëtare, për shkak të angazhimeve të tjera. Në vend të tij Meta ka emëruar z. Spiro Koçi, i cili ka kryer detyrën e këshilltarit diplomatik të kreut të shtetit. Presidenca ka konfirmuar se detyra e këshilltarit diplomatik i është besuar. Arben Cicit, i cili deri më tani ka mbajtur postin e shefit të kabinetit. Angazhimin në një detyrë te re e konfirmoi më heret gjatë ditës Edmond Panariti përmes një statusi në faceboook, ku ai bëri të ditur largimin nga radhët e lsi pas një angazhimi 16 vjecar.