Ipeshkvia Prizren-Prishtinë mbajti meshën solemne të pashkëve në Katedralen “Shën Nënë Tereza” në kryeqytet, nën drejtimin e ipeshkvit Imzot Dodë Gjergji. Ky i fundit, pasi ua uroi festën e pashkëve të gjithë besimtarëve katolikë, foli për rëndësinë e e kësaj feste. Gjergji: Shën Nënë Tereza bëri botën më të mirë “Sikur e kemi ndezur qiriun e Pashkëve dhe flakën e zjarrit, çdo njëri prej nesh mund të ndezë kandilin e shpirtit të vet duke u pagëzuar e nëpërmes pagëzimit e kap një gacë në zjarrin e kësaj dashurie dhe e ngroh zemrën e tij, e duke e ndezur zjarrin e kësaj dashurie me zemrën e vet vazhdon të bëjë veten ashtu, t’i falë njerëzit varësisht se çfarë gabimesh mund të bëjnë dhe të duan të afërmit sikurse vetveten. Drita e Krishtit mbi ne dhe zjarri i dashurisë që ndizet brenda nesh, sigurisht se e ka bërë botën më të mirë dhe vazhdon ta bëjë botën më të mirë, nëpërmes të shenjtëve të kishës dhe një nga ato ka qenë Shën Nënë Tereza, bija e kishës sonë që ne ia kemi kushtuar këtë katedrale Ipeshkvi Dodë Gjergji ka bërë thirrje që paqja të mbretërojë dhe t’iu jepet fund konflikteve kudo në botë.