Gjyqtarja Arjana Fullani përfundimisht mbetet jashtë radhëve të sistemit të Drejtëisë. Ajo ankimoi në Kolegjin e Posacëm të Apelimit vendimin me numër 186 të korrikut të vitit të kaluar, të firmosur nga Komisioni i Pavarur i Kualifikimit, që ka njohur aktin e Këshillit të Lartë Gjyqësor dhe i ka hequr të drejtën e magjistrates për një periudhë 15 vjecare. Dy vite pasi Këshilli i Lartë Gjyqësor i hoqi statusin e magjistrates për 15 vitet e ardhshme, ish-anëtarja e Gjykatës së Lartë, Arjana Fullani kërkon rikthimin e këtij statusi me argumentin se ajo nuk është dorëhequr asnjëherë. Zonja Fullani ka deklaruar se në 2017 asaj i ka mbaruar mandati i gjyqtares në Gjykatën e Lartë dhe është bërë avokate, por asnjëherë s'ka dhënë dorëheqjen siç e ka argumentuar Këshilli i Lartë Gjyqësor. Nga ana tjetër rezulton se Këshilli i Lartë Gjyqësor i ka ofruar Fullanit pas mbarimit të mandatit, si gjyqtare në Gjykatën e Lartë një tjetër detyrë në Gjykatën e Apelit, të cilën ajo nuk e ka pranuar, duke mos e parë të arsyeshme. Kësisoj, Këshilli i Lartë Gjyqësor ka njoftuar shkallën e parë të Vettingut se ish-gjyqtarja e lartë e ka refuzuar këtë detyrë dhe e ka shkarkuar. Ky është procesi i parë kur një ish-gjyqtare kërkon statusin e magjistratit ndërsa kontrollit të Vettingut pasi e shkarkoi i përgjigjet se s'mund t'i bëhej në kohën që ishte avokate.