“ Nuk jemi ende në atë pikë që të hapim shkollat dhe kopshtet. Nëse veprojmë me vendosmëri tani, heqim dorë nga kontaktet e ku është e pashmangshme mbajmë distancë, nëse respektojmë rregullat e higjienës e vemë maskën, aq më shpejt do të dalim nga kjo situatë”, u shpreh kancelarja Angela Merkel në mesazhin e përjavhshëm ku I kërkoi familjeve gjermane të bëjnë edhe pak durim. Shifrat në Gjermani më në fund nisën të bien, por Merkel tregohet e kujdesshme, duke nenvizuar rrezikun real që ekziston nga mutacionet shumë më infektuese të koronavirusit. “Prandaj duhet që në rrugën tonë në javët e ardhshme të jemi të kujdesshëm dhe të veprojmë me mature. Ne po bëjmë gjithçka që të mund të hapim të parat kopshtet dhe shkollat, me qëllim që t'u japim fëmijëve një pjesë të përditshmërisë së tyre të zakonshme dhe të lehtësojmë familjet. E dimë se është një punë e jashtëzakonshme për nënat e baballarët, që të kujdesen e bëjnë detyrat bashkë me fëmijët e shkollave fillore. Këtë nuk e nënvlerëson askush nga ne”, u shpreh Merkel. Kreu i Shoqatës Gjermane të Mjekëve të Sigurimit Ligjor, KBV, Andreas Gassen u shpreh I shqetësuar për situatën e të miturve në këto kohë të vështira, duke thënë se që tani mjekët dhe psikoterapistët njoftojnë për rritje masive të rasteve të ndryshme patologjike te fëmijëve.