Mediat greke e kanë komentuar si pozitive dakortësinë e arritur me Shqipërinë për ta zgjidhur ngërcin e hershëm të cështjes së detit me palë të treta, përkatësisht Gjykatën Ndërkombëtare të drejtësisë në Hagë. Nisur nga fakti që Gjykata Kushtetuese në Shqipëria nuk është aktualisht funksionale, hendeku ishte I qartë, sipas një pjesë të shtypit grek qe shfaq serish nje droje te hershme lidhur me Turqine. Kështu sipas mediave në vendin fiqnj, është e qartë se Ankaraja nuk e dëshiron zgjidhjen e e një tjetër cështjeje të mbetur pezull mes Greqisë dhe një vendi fqinj të saj. “Nga Athina, vërehen me shqetësim iniciativa të ndryshme shqetësuese turke lidhur me Shqipërinë fqinje , të tilla si, për shembull, shtrirja e nje skele në portin e Vlorës për përdorimin e marinës turke,”– thuhet në një artikull. CNN grek thekson se kjo marrëveshje bazohet në angazhimin e palëkundur të të dy vendeve ndaj legjitimitetit ndërkombëtar dhe parimit të zgjidhjes paqësore të mosmarrëveshjeve. Ai citon ministrin e jashtëm grek Nikos dendias të pohojë mes të tjerash se “nuk duhet humbur kohë. Kemi arritur shumë në marrdhëniet tona dhe e kemi vetë në dorë që t`I cojmë ato një hap më tej”.