Shqiptarët tkurren shpenzimet e konsumit përgjatë vitit të kaluar. Prirja konfirmohet edhe nga volumi i mallrave të transportuar me rrugë detare dhe rrugore. Nga të dhënat e publikuara nga INSTAT, volumi i mallrave të transportuara përmes rrugës detare dhe asaj tokësore, që zënë mbi 97 për qind të totali ka pësuar një rënie të fortë. Volumi i mallrave përmes transportit detar ka rënë me 20 për qind dhe ai në tokë me 10 për qind. Mesatarisht, volumi tregtar ra me 15 për qind në krahasim me vitin 2021. Duke e krahasuar me raportin e INSTAT për tregtinë ndërkombëtare, volumi tregtar u rrit si vlerë monetare, por është tkurrur ndjeshëm në sasi. Kjo do të thotë se shqiptarët shpenzuan përgjatë 2022 më shumë lek, por blenë më pak mallra e shërbime si pasojë e rritjes së përgjithshme të çmimeve.