Bullgaria ka një histori të gjatë aksidentesh vdekjeprurëse, por katastrofa e të martës është më e rënda në evropë në këto 10 vite të fundit, sipas zyrtarëve. 20 bullgarë humbën jetën në 2018 kur autobusi i tyre rrëshkiti në një rrugë të lagësht dhe u përmbys. Në total, 628 persona kanë humbur jetën në aksidente rrugore në 2019 dhe 463 në 2020-ën në bullgari, sipas të dhënave zyrtare. Aksidentet shpesh i atribuohen gjendjes jo të mirë të rrugëve, makinave të vjetëruara dhe shpejtësisë. Aksidenti i të martës ndodhi në një seksion të autostradës me pjerrtësi të madhe dhe pa vija të qarta ndarëse, ku shumë aksidente kanë ndodhur edhe më parë. Në evropë, në një nga aksidentet më të rënda të viteve të fundit 43 persona humbën jetën në 2015-ën kur një autobus i mbushur me pensionistë u përplas me një kamion dhe mori flakë në francën jugperëndimore. Një tjetër aksident i rëndë është ai i 2019, në portugali ku 29 turistë gjermanë humbën jetën pasi autobusi i tyre doli nga rruga në madeira. Po në bullgari, në 2020-ën, u shënua një tjetër aksident i rëndë pasi 20 pelegrinë humbën jetën kur autobusi me të cilin udhëtonin u përmbys për shkak të reshjeve të dendura, në veri të sofies.