Rreth gjysma e atyre që kishin marrë të dyja dozat e vaksinës Pfizer në Izrael, janë infektuar së fundmi nga varianti Delta i koronavirusit. Pas shpërthimit të këtyre rasteve qeveria izraelite ka marrë vendimin për mbajtjen e maskës nga qytetarët në të gjitha ambjentet. Sipas hulumtimit të kryer nga autoritetet shëndetësore izraelite, rreth 90% e rasteve të reja të koronavirusit janë variant Delta. Fëmijët nën moshën 16-vjeç, shumica e të cilëve ende nuk kanë marrë dozën e vaksinës përbëjnë rreth 50% të të infektuarve me Covid. Rreth 65% e popullsisë, apo mbi 80% e izraelitëve mbi moshën 16 vjeç janë vaksinuar me Pfizer. Ky variant, i cili për herë të parë u indetifikua në Indi sipas shkencëtarëve rezulton të jetë shumë ngjitës. Mutacioni Delta është përhapur në mënyrë shumë agresive në Australi, ku vetëm 4.7% e popullsisë është vaksinuar plotësisht, megjithëse më shumë se 27% kanë marrë dozën e parë.