I veshur me antiplumb e me kokën poshtë, kështu u paraqit 23 vjecari shqiptar I cili masakroi me thikë një 19 vjecar në Selanik të Greqisë disa ditë më parë. Teksa doli nga furgoni i policisë me kokën ulur, një grup perdonash pritën përpara dyerve të gjykatës shqiptarin, duke lëshuar drejt tij të shara dhe ofedime nga më të ndryshmet. Para trupës gjykuese, shqiptari i mohoi akuzat që janë ngritur kundër tij për vrasjen e Alkis Kampanos. Referuar mediave greke, 23 vjecari shqiptar disa vite më parë është proceduar edhe për një plagosje tjetër me thikë. I cilësuar nga mediat dhe autoritetet si “huligan” tashmë i riu shqiptar do të përballet me shumë vite burg. Ngjarja e rëndë ndodhi të martën në Selanik të Greqisë. 19 vjecari Alkis Kampanos mbeti vikimë pas një konfikti me një grup të rinjsh, ndërsa dy shokët e tij mbetën të plagosur. Policia ka identifikuar edhe dy persona të tjerë të përfshirë në këtë ngjarje kriminale, që janë në kërkim. Kamerat e sigurisë që kanë kapur momentin e vrasjes “gozhdojnë” autorët dhe shqiptarin që mban një thikë në dorë me të cilën qëlloi grekun.