Dy shtetas shqiptarë janë shpallur në kërkim nga policia e antidrogës së Kosturit në Greqinë Veriore, pasi po transportonin afro 66 kilogramë drogë me një automjet. Policia greke bën me dije se shqiptarët përkatësisht të moshës 31 dhe 19 vjec, e kishin paketuar sasinë e drogës në 3 thasë të mëdhenj. Autoritetet kishin marrë informacione të detajuara në lidhje me transportin e lëndës narkotike nga kufiri shqiptar drejt Selanikut, ndaj dhe kishin vënë në survejim automjetin e të dyshuarve. Nga raportimet e policisë greke, ata I kanë parë autorët teksa kanë qenë duke ngarkuar bordin e automjetit me 3 thasë me kanabis, ndërsa u kanë bërë me shenjë të ndalojnë, por drejtuesi i automjetit ka shtuar shpejtësinë duke u larguar drejt një pylli, ku kanë braktisur automjetin dhe janë larguar me shpejtësi. Autoritetet kanë rrethuar zonën dhe janë ende në kërim të autorëve. Nga verfifikimi I targës së mjetit, rezultoi se ishte I vjedhur. Droga dhe automjeti janë sekuestruar, ndërsa hetimet i ka marrë anti droga e Kosturit.