Mbi 400 zyrtarë të SHBA-së nga 40 agjenci qeveritare amerikane i dërguan një letër presidentit Joe Biden, duke kundërshtuar mbështetjen e administratës së tij për Izraelin. Letra është nënshkruar nga të emëruar politikë dhe anëtarë të stafit nga Departamenti i Shtetit, Shtëpia e Bardhë, Këshilli i Sigurisë Kombëtare dhe Departamenti i Drejtësisë. ‘I bëjmë thirrje presidentit Biden që të kërkojë urgjentisht një armëpushim dhe të bëjë thirrje për de-përshkallëzimin e konfliktit aktual, duke siguruar lirimin e menjëhershëm të pengjeve izraelite dhe të palestinezëve të arrestuar në mënyrë arbitrare, restaurimin e ujit, karburantit, energjisë elektrike dhe shërbimeve të tjera bazë, si dhe kalimin e ndihmës humanitare në Rripin e Gazës’, theksohet në letër. Në letër thuhet se ‘shumica dërrmuese e amerikanëve mbështesin një armëpushim’, ku në një sondazh të publikuar më 18 tetor, tregohet se 66 për qind e amerikanëve, përfshirë 80 për qind e demokratëve, thonë se SHBA-ja duhet të bëjë presion mbi Izraelin për të vendosur një armëpushim.