Numri I viktimave në Spanjë nga përmbytjet katastrofike sipas autoriteteve vendase ka shkuar në 205. Trupat e viktimave po vendosen në një morg të improvizuar në Valencia. Zonë kjo që është dhe më e goditura nga vërshimet, ndërsa ekipet e kërkim-shpëtimit po vijojnë punën për të ndihmuar ë mbijetuarit. Sipas mediave vendase, numri I të vdekurve pritet të rritet akoma më shumë. Spanja është goditur me një nga katastrofat më të rënda të historisë moderne të saj dhe një nga më vdekjeprurëset në Evropë. “Ne po tentojmë që të largojmë veturat për të parë nëse ka më shumë viktima”, tha një nga pjesëtarët e ekipeve të shpëtimit gjatë një prononcimi për televizionin publik spanjoll. Rreth 75 mijë shtëpi po vuajnë mungesën e energjisë elektrike. Ndërkohë zjarrfikësit po marrin karburantin e makinave të përmbytura dhe po e përdorin për gjeneratorët që po pastrojnë zonat e banuara nga uji. Nga vërshimet u shkatërruan dhe rrugët si dhe linjat hekurudhore pasi shumë përrenj e lumenjtë dolën nga shtrati I tyre. Shkencëtarët thonë se ndryshimet klimatike po sjellin ndryshime në kushteve atmosferike të motit duke bërë që reshjet të jenë më të shpeshta dhe më intensive.