7 qytetarë kanë humbur jetën si pasojë e Covid 19 në 24 orët e fundit në vendin tonë. Viktimat janë një 47-vjeçare nga Burreli, dy qytetarë nga Fieri 58 dhe 60 vjeç, një 61-vjeçar nga Gjirokastra, një 63-vjeçar nga Vlora dhe dy qytetarë nga Tirana 71 dhe 79 vjeç. Ministria e Shëndetësisë bëri me dije se po gjatë 24 orëve janë shënuar 647 raste të reja nga 4 mijë e 139 testime të kryera. Tirana vijon të jetë qarku më i infekaur, ku në 24 orë ka shënuar 256 raste të reja. E ndjekur nga Durrësi me 37 raste, nga Shkodra me 31 raste, nga Kamza me 29 raste, me 24 raste në Elbasan dhe më pak raste në qarqet e tjera. Po gjatw ketij harku kohore, janë shëruar 964 qytetarë duke e çuar numrin e të shëruarve në 158,574 që nga fillimi i epidemisë. Sipas Ministrisë së Shëndetësisë, në të gjithë vendin numërohen 9 mijë e 499 pacientë aktivë. Ndërkohë, në spitalet Covid 161 pacientë po marrin trajtim mjëkësorë, nga të cilët 19 janë në gjendje të rëndë.