Prokuroria e Tiranës ka vendosur masën e sigurisë “Arrest në shtëpi” për Elisabeta Dostin, e cila është marrë nën hetim për veprat penale “Falsifikimi i dokumenteve” dhe “Pastrimi i produkteve të veprës penale apo veprimtarisë kriminale”. Sipas Prokurorisë, hetimet kanë zbuluar se në vitin 2013, Dosti, në rolin e përfaqësueses ligjore të shoqërisë “Prodhim Veshje nr.02” sh.a, dyshohet tse ka kryer transferimin e të gjitha pasurive të paluajtshme të kompanisë drejt shoqërisë “Empire Investment Solution” sh.p.k, e cila në atë kohë ishte në pronësi të saj të plotë. Kalimi i këtyre pronave dyshohet se është bërë duke përdorur vendime dhe dokumente të falsifikuara.