Mijëra qytetarë janë mbledhur të shtunën në qendër të Tetovës për të marshuar në shenjë solidarite me familjarët e 14 viktimave që humbëm jetën nga zjarri në spitalin e këtij qyteti. Zjarri që shpërtheu me 8 shtator kapi në befasi pacientët dhe mjekët e këtij spitali, të cilët patën pak kohë të evakuoheshin për shkak të përhapjes së shpejtë të flakëve. Viktimat në spitalin modular po trajtoheshin nga Covid-19. Zjarri besohet se është shkaktuar nga shpërthimi i bombolave të gazit apo të oksigjenit. Përveç viktimave 12 persona janë plagosur. Marshi përkujtues është organizuar nga grupi i tifozëve “Ballistët”. Qytetarët mbollën 14 pemë për të përkujtuar viktimat. Marshi nisi nga sheshi “Iliria” dhe do të vazhdoi deri tek vendndodhja e spitalit. Tragjedia ka cuar tanimë në dorëheqjen e ministrit maqedonas të Shëndetësisë, Venko Filipçe si dhe zyrtarëve të tjerë të lartë në vendin fqinj.