Presidenti i Serbisë, Aleksandar Vuçiç, tha se marrëveshja për energjinë me Kosovën është drejt përfundimit. Ai tha se për këtë çështje ka pasur negociata me Kompaninë Kosovare për Shpërndarjen e Energjisë Elektrike (KEDS). “Sot kemi pasur negociata me palën turke, me KEDS-in, për prezencën në veri të Kosovës. Për këtë kemi rënë dakord. Shpresojmë se ka mbetur vetëm ana teknike [që të rregullohet] dhe do të kemi rezultate të mira në ditët në vijim", tha Vuçiç. Nga Kompania Kosovare për Shpërndarjen e Energjisë Elektrike nuk mohuan e as pohuan nëse kanë zhvilluar biseda me Serbinë për këtë çështje, por thanë se çdo marrëveshje e arritur do ta përmirësonte situatën në veri të Kosovës. Çështja e energjisë elektrike në veri të vendit ka qenë subjekt i bisedimeve ndërmjet Kosovës dhe Serbisë që nga fillimi i dialogut. "Çdo marrëveshje e arritur do ta ndryshonte situatën për mirë”, tha zëdhënësi i KEDS-it, Viktor Buzhala. Nga ana tjetër, Qeveria e Kosovës nuk ka komentuar ende deklaratat e presidentit të Serbisë, Aleksandar Vuçiç. Kompania Kosovare për Distribuim të Energjisë Elektrike (KEDS), nga viti 2013 është nën menaxhimin e