Ashtu si gjithë Evropa, edhe në Maqedoninë e Veriut situata nga pandemia e koronavirusit vazhdon të jetë alarmante. Fatmirësisht në 24 orët e fundit shifrat e të vdekurve janë përgjysmuar në krahasim me një ditë më parë, por rastet e reja të infektuar me covid 19 kanë kaluar sërish numrin 1 mijë. Sipas raportimit zyrtar në 24 orët e fundit janë kryer 3 143 teste të dyshuara për covid-19 dhe prej tyre 1 035 kanë rezultaur pozitivë, ose 33 per qind e tyre. Gjithashtu në 24 orët e fundit kanë ndërruar jetë 15 pacientë. Lajmi I mirë është se sipas raportimit zyrtar janë shëruar 998 persona që kanë qenë të prekur nga covid 19. Me shifrat e kësaj dite në Maqedoninë e Veriut, që prej fillimit të pandemisë janë regjistruar në total 1.561 viktima, ndërsa numri i të infektuarve ka shkuar në 56.162 persona.