“Test negativ për shtetasit e Kosovës që kalojnë në Maqedoninë e Veriut, qoftë edhe thjesht tranzit”; mediat vendase thonë se ky është propozimi që po përgatit ministria maqedonase e shëndetësisë për ekzekutivin. Testi negativ PCR nuk duhet të jetë më I vjetër se 72 orë. “Komisioni për Sëmundje Infektive, në mbledhjen e saj të mëngjesit, mori vendim që të zbatohet testimi i detyrueshëm PCR për udhëtarët nga Kosova që kalojnë nëpër Republikën e Maqedonisë së Veriut.Udhëtarët transit në vendkalimin kufitar duhet të tregojnë një test PCR negativ jo më të vjetër se 72 orë”, thuhet në deklaratë. Kosova një ditë më parë shënoi edhe 6 viktima nga koronavirusi i ri e 141 infektime te reja. Janë bërë gjashtë muaj prej raportimit të rasteve të para me koronavirus në territorin e saj. Deri më tani, numri i përgjithshëm i viktimave ka arritur në 416, i të infektuarve në 11.686 ndërsa janë shëruar gjithsej 7.562 persona.