Për vrasjen e Elvis Dedës dhe një vit më vonë e Fatmira Dedës, dëshmoi këtë të martë në gjyq në kuadër të dosjes Plumbi i Artë dhe vajza e kësaj familje. Pasi humbi vëllanë e më pas nënën, ajo rrëfeu para togave të zeza të gjithë rrjedhën e historisë. “Unë kam lindur dhe jam rritur në Kavajë, më pas im vëlla se di për çfarë arsye dhe rrethanash u zhvendos në Durrës. Unë se di me çfarë biznesi është marrë vëllai im, nuk e di çfarë ka bërë ai më tepër, ai është larguar jashtë, e kam takuar në 1997, ka qenë në emigracion. Fillimisht di që ka ikur në Itali më pas në Holandë dhe në Belgjikë. Në 2008 kam kuptuar që ai ka ardhur në Shqipëri. Kam qenë në punë, më kanë marrë një telefon dhe më thonë shiko se “Lozhja”. Pas ngjarjes unë kam ikur në Gjermani, sepse nuk e pranoja dot ngjarjen.