Eshtë hedhur shorti i edicionit të 84-t të kampionatit kombëtar në sallën e konferencave të stadiumit "Air Albania". Sekretari i përgjithshëm Ilir Shulku dhe shefi i sektorit të garave Marjus Sulejmani nën praninë e përfaqësuesëve të klubeve të kë kategorisë Abissnet Superiore përcaktuan rrugëtimin e 10 skuadrave në 4 fazat e sezonit të ri 2022/2023. Specifika e këtij shorti ishin evitimi i përplasjes së ndeshjeve të skuadrave kryeqytetase si Tirana dhe Partizani pasi do t'i zhvillojnë ndeshjet e tyre në stadiumin kombëtarë "Air Albania", gjtihashtu edhe Teuta me Erzenin e SHijakut që ndeshjet e tyre në këtë sezon do t'i luajë të dyja këto ekipe në stadiumin "Niko Dovana" të qytetit të Durrësit. Për herët të parë në historinë e kampionatit tonë do të ketë dy ndërperje sezonale, në muajin nëntor dhe dhjetor duke qenë se do të zhvillohet kampionati Botëror Katar 2022 në atë periudhë dhe gjithashtu po për herë të parë Superkupa e Shqipërisë e cila në këtë sezon ka përballjen e klasikes së futbollit shqiptarë mes Tiranës kampione dhe Vllaznisë fituese të kupës së Republikës do të luhet në muajin dhjetorë dhe jo në prag të sezonit.