Brenda shtëpisë më të famshme në Shqipëri, pas Luizit dhe Kiarës duket se është krijuar edhe një çift i ri. Keisi dhe Kristi kanë pasur ngacmime prej ditësh. Mes dyshes nuk kanë munguar ledhatimet, përqafimet gjithastu edhe puthjet. Primen e së shtunës, babi I Kejsit, Sabiani është bërë pjesë e Big Brother VIP. Ai është vënë në një pozitë të vështirë brenda në shtëpi, kjo për shkak të raportit që Keisi ka krijuar me Kristin. Duke biseduar me Luizin në verandë, ky i fundit i tha Sabianit se Kristi është djalë shumë i sinqertë, i matur dhe di t’i dalë për zot gjërave vetë. Një mënyrë kjo, për të bindur deri diku Sabianin që ai të krijojë një mendim edhe më të mirë për Kristin. Luizi foli edhe për marrëdhënien e tij me Kiarën. Ai tha se është i lumtur për faktin që ata do jetojnë bashkë kur të dalin nga Big Brother.