Presidenti rus, Vladimir Putin, paralajmëroi vendet e perëndimit të enjten se ka një rrezik real të luftës bërthamore nëse ata dërgojnë trupa për të luftuar në ukrainë dhe tha se Moska, ka armët që i duhen për të goditur shënjestra në perëndim. Duke folur para parlamentit dhe anëtarëve të tjerë të elitës së vendit, 71 vjecari Putin, përsëriti akuzat se perëndimi po tenton të dobësojë rusinë dhe sugjeroi se liderët perëndimorë nuk e kuptojnë se sa e rrezikshme mund të jetë përzierja e tyre në ato që rusia i konsideron si cështje të brendshme të saj. Ai e parapriu paralajmërimin e tij me një referencë specifike ndaj idesë së prezantuar nga presidenti francez Emmanuel Macron, të hënën, që aleatët evropianë të natos mund të dërgonin trupa tokësore në ukrainë, një sugjerim që u refuzua shpejt nga SHBA, Gjermania, Britania e Madhe e të tjerë.