Perëndimi duhet të ndalë kundërshtimin e agresionit rus në Ukrainë ose do të përballet me luftën bërthamore, epidemitë dhe urinë që mund të shfarosin miliona njerëz, paralajmëron ish presidenti rus, aleat i ngushtë i Vladimir Putinit, Dmitry Medvedev. Sipas tij, Putin nuk do të pranojë asnjë zgjidhje tjetër përvec disfatës totale të ukrainës. “Nuk duhet të jesh një vizionar për të parashikuar se faza e konfrontimit do të jetë shumë e gjatë”, tha Medvedev që është edhe zëvendës shef i këshillit të sigurisë në Rusi. “Konfrontimi do të zgjasë për dekada...e vetmja mënyrë për ta zgjidhur atë është lufta e tretë botërore. Por kjo është dicka e keqe sepse fituesit nuk i garantohet prosperitet, ashtu sic ndodhi edhe në luftërat e tjera botërore...me shumë gjasë, nuk do të ketë asnjë fitues. Në fund të fundit, është e pamundur të konsiderosh një fitore një botë në të cilën dimri bërthamor ka artdhur, miliona qytete janë kthyer në rrënoja, nuk ka energji dhe njerëzit vdesin nga rrezatimi, epidemitë dhe uria...”