Ambasada amerikane në Jerusalem njoftoi të premten se do të lejonte personelin qeveritar jo-emergjent dhe anëtarët e familjeve, të largoheshin nga Izraeli 'për shkak të rreziqeve të sigurisë'. Njoftimi vjen pas kërcënimeve të përsëritura nga Presidenti Donald Trump për të sulmuar Iranin, dhe me Shtetet e Bashkuara që po kryejnë përgatitjet e tyre më të mëdha ushtarake në rajon, në dekada. USS Gerald Ford, aeroplanmbajtësja më e madhe në botë, pritet të mbërrijë në brigjet e Izraelit verior si pjesë e përgatitjeve. 'Më 27 shkurt 2026, Departamenti i Shtetit autorizoi largimin e personelit qeveritar jo-emergjent të SHBA-së dhe anëtarëve të familjeve të personelit qeveritar të SHBA-së nga Misioni në Izrael për shkak të rreziqeve të sigurisë', tha ambasada në faqen e saj të internetit. 'Ata mund të marrin në konsideratë largimin nga Izraeli ndërsa fluturimet komerciale janë në dispozicion', shtoi ajo. Ambasadori amerikan Mike Huckabee u dërgoi një email stafit të ambasadës të premten në mëngjes duke thënë se ata që dëshirojnë të largohen 'duhet ta bëjnë SOT', raporton Neë York Times.