Presidenti amerikan Donald Trump përmes një qëndrimi zyrtar nga Shtëpia e Bardhë deklaroi se SHBA-të mund të tërhiqen shumë shpejt nga Irani, duke shtuar se operacioni ushtarak pritet të përfundojë brenda dy ose tre javësh. Sipas tij, objektivat kryesore të vendosura para nisjes së sulmeve ajrore janë arritur, veçanërisht kufizimi i kapaciteteve bërthamore të Teheranit. Trump theksoi se SHBA-të kanë dominim të plotë në hapësirën ajrore iraniane dhe pretendoi se zhvillimet e fundit kanë sjellë edhe ndryshime në udhëheqjen e vendit, duke i cilësuar figurat e reja si më pak radikale dhe më racionale.