Këngëtarja e njohur Madonna, ka zbuluar se në shtëpinë e saj ka rregulla, të cilat dëshiron të zbatohen. Mbretëresha e muzikës pop është shfaqur duke mbajtur një tabelë në dorë, duke u treguar të gjithëve listën e saj me anë të një postimi në rrjetin e saj social ‘Instagram’. Këto rregulla janë për fëmijët e saj, ku vazhdimisht u kujton se ata duhet të buzëqeshin, të jenë të lumtur, të dëgjojnë të tjerët, të jenë të lumtur me atë që kanë dhe të jenë të sjellshëm. Këto ishin pesë rregullat që këngëtarja ka vendosur në shtëpinë e saj. Këngëtarja i publikoi rregullat në dhomën e saj të ndenjës, ku kishte veshur një pulovër të zezë dhe të stolisur me dizajne shumëngjyrëshe dhe me lule. Madonna ka një familje të madhe me katër vajza dhe dy djem. Në janar, ylli I popit njoftoi rikthimin e saj në skenë me turneun botëror “Four Decades, The Celebration Tour”. Ndalesa e parë do të jetë Vankuveri më 15 korrik.