Perspektiva e një lufte të madhe rajonale në Lindjen e Mesme është më e afërt se kurrë, këtë mëngjes, kur kabineti i luftës i Benjamin Netanyahut do të mblidhet për të vendosur përgjigjen e Izraelit ndaj sulmit me dronë dhe raketa të Iranit. Ministrat e Netanyahut votuan në mes të natës për t'ia deleguar këtë vendim kabinetit të luftës, i përbërë nga Netanyahu, ministri i mbrojtjes Yoav Gallant dhe Benny Gantz, një kundërshtar i Netanyahut i cili iu bashkua qeverisë si ministër pa portofol pas sulmit të Hamasit më 7 tetor që edhe shkaktoi spiralen e dhunës që ka sjellë tani izraelin dhe iranin në prag të luftës. Këta rivalë të hershëm do të vendosin hapat e radhës, me fatin e rajonit që është tani në duart e tyre. Në orët plot nervozitet që çuan deri te mbledhja e kabinetit të luftës, Netanyahu dhe Biden folën në telefon për 25 minuta, e gjatë kësaj kohe, sipas disa raportimeve në mediat izraelite, presidenti amerikan kërkoi vetëpërmbajtje.