Sistemet që monitorojnë materialin bërthamor në impiantet e mbetjeve radioaktive në Cernobil, nuk transmetojnë më të dhëna tek agjencia bërthamore e kombeve të bashkuara. Forcat ruse rrethuan dhe morën nën kontroll impiantin bërthamor të Cernobilit, muajin e shkuar, në ditën e parë të pushtimit të tyre të ukrainës, dhe që atëherë kanë refuzuar të lejojnë rreth 210 pjesëtarë të stafit të dalin që andej. Drejtori i përgjithshëm njoftoi se transmetimi i të dhënave nga sistemet e sigurisë që monitorojnë rrezatimin, të instaluara në Cernobil, janë humbur”, tha agjencia ndërkombëtare e energjisë bërthamore në një deklaratë. Sistemi i sigurisë i referohet punës së kësaj agjencie për monitorimin e materialeve bërthamore dhe produkteve të gjeneruara nga impiantet bërthamore. Agjencia i kërkoi autoriteteve ruse të lejojnë 210 anëtarët e stafit që po mbahen në Cernobil të largohen, duke argumentuar se edhe pse nivelet e rrezatimit në zonë janë relativisht të ulëta, është e nevojshme të sigurohet rotacion i sigurt për stafin. Kjo vjen pasi organi me qendër në Vjenë, tha se autoritetet ukrainase kishin raportuar një sulm mbi një impiant bërthamor në Kharkiv, të dielën, edhe pse nuk janë vënë re nivele të shtuara të rrezatimit në zonë. Impianti është pjesë e institutit të Kharkivit të fizkës dhe teknologjisë, një institut kërkimesh që prodhon materiale radioaktive për përdorim mjekësor dhe industrial. Kharkivi është vënë nën bombardime intensive të rusisë dhe sulme me raketa ditët e fundit, ndërsa Moska përpiqet të rrisë presionin mbi Ukrainën që ajo të dorëzohet.