Një sasi prej dy kg lëndë narkotike heroinë është sekuestruar nga policia në kuadër të një operacioni të koduar “Aksi”. Gjatë kontrolleve ku u arrestua 43 vjeçari Genci Drita, u sekuestruan edhe dy armë automatike kallashnikov. Policia e Lezhës bën me dije se lënda narkotike u sekuestrua brenda një bagazhi të modifikuar të një automjeti tip “Renault”, me drejtues shtetasin G. D. Nepermjet njoftimit per shtyp, policia e Lezhës ben te ditur parandalimin dhe goditjen e një tentative për trafikim të drogave të forta dhe armëve të zjarrit. Operacioni policor u be në fshatin Balldre ku efektivet kanë identifikuar mjetin e dyshuar dhe kanë bërë të mundur ndalimin e tij, ku pas kontrollit të imtësishëm të automjetit tip “Renault” me drejtues shtetasin G. D., në bagazhin e modifikuar të këtij mjeti kanë gjetur dhe sekuestruar në cilësinë e provës materiale 2 pako me lëndë narkotike të dyshuar heroinë me peshë 2 kg dhe 2 armë zjarri kallashnikov.