Qakullonte me shpejtësi marramëndëse në rrugët e Durrësit, makina humb kontrollin e shkatërron disa automjete të tjera parkuara pranë rrugës. Ngjarja ka ndodhur në orët e para të ditës së sotme në rrugën e Currilave, te Brryli. Një automjet tip fuoristradë ''Toyota'', që paraprakisht deklarohet se drejtohej nga një shtetas italian, lëvizte nga Currilat në drejtim të rrugës ''Taulantia''. Shpejtësia tej normave të lejuara e ka nxjerrë automjetin jashtë rruge në afërsi të kthesës. Për pasojë, është përplasur me 6-7 mjete të parkuara, të cilat kanë pësuar dëme të konsiderueshme materiale. Pas ngjarjes, drejtuesi i mjetit nën panik, sipas dëshmitarëve në vendngjarje, ka braktisur makinën dhe është larguar me vrap nga pjesa e shëtitores bregdetare dhe policia është vënë në kërkim të tij. Policia po heton mbi zbardhjen e rrethanave të aksidentit.