U zhvillua në GJKKO gjyqi i radhës ndaj Dritan Rexhepit dhe personave të tjerë të akuzuar për rrëmbimin dhe zhdukjen e Jan Prengës në vitin 2020. Ne seancë u diskutuan transkriptet e aplikacioneve të koduara SKY ECC, të cilat SPAK i ka në dorë. Të pandehurit nuk ishin të pranishëm, ndërsa avokatët mbrojtës kërkuan nga ana e prokurorëve nëse do të paraqesin komunikime të tjera apo jo. Deri më tani, i janë paraqitur gjykatës 3 kode nga Sky ECC, të Dritan Rexhepit, Altin Hajrit dhe Gentjan Funiqit. Po ashtu u kërkuar që të merren në pyetje përmes videocalleve edhe Astrit Prenga e Gëzim Shullani,. Por ndërsa palët vijojnë të paraqesin argumentat e tyre, GKKO i la afat SPAK dy javë që të rregullojnë letërporositë për anglezët, të cilët në përgjigjet e kthyera kërkon detaje se përse janë nën akuzë përsonat për të cilët po kërkohen kodet dhe komunikimet në platformën e enkriptuar. Seanca e rradhës u shty më datë 20 qershor.