Ukraina ka goditur një tjetër rafineri të madhe nafte në Rusi, në një sulm me dronë kamikaze, e si pasojë, shpërthimet kanë shkaktuar një ferr të vërtetë flakës, pranë Moskës. Video dramatike nga vendi i ngjarjes tregojnë flakët që shpërthyen nga objekti gjigant energjetik i Rosneft, në qytetin Ryazan. Banorët e Ryazanit, që ndodhet 200 km në juglindje të Moskës, thuhet se kanë dëgjuar zhurmën e dronëve rreth orës 3 të mëngjesit. Sulmi erdhi pas një tjetër goditjeje të ukrainës mbi rafineritë e naftës në rajonin e Krasnodarit dhe koincidoi me sulmet ruse në Odesa. Pesë persona u vranë dhe më shumë se 30 të tjerë u plagosën në një sulm rus me bomba thërrmuese, në një ndërtesë në qytetin port ukrainas, në Detin e Zi. Videoja tregoi shpërthime dhe shtëllunga tymi të zi, të shoqëruara nga flakët e furishme në "Kështjellën e Harry Potter-it", sic njihej ndërtesa në qytet. Ndërkohë, ministri i mbrojtjes së Vladimir Putinit, Sergei Shoigu, kërkoi më shumë "armë shkatërrimi". Gjatë një vizite në shtabin e tij ushtarak, ai tha: "Është e nevojshme të rritet vëllimi dhe cilësia e armëve dhe pajisjeve ushtarake që i dërgohen trupave, para së gjithash mjetet e shkatërrimit".