Qeveria shqiptare dhe ajo italiane kanë arritur marrëveshjen për njohjen e pensioneve, duke i hapur kështu rrugë procedurave për firmosjen e kësaj marrëveshje, prej të cilës do të përfitojnë rreth 500 mijë shqiptarë. Lajmi u bë me dije nga kreu i qeverisë Edi Rama, i cili përmes një postimi në Facebook u shpreh se ky është një lajm shumë i mirë për shqiptarët dhe se pensionistët do të përfitojnë nga kjo marëëveshje, menjëherë sapo të hy në fuqi. Marrëveshja u përshëndet edhe nga kryeparlamentarja Lindita Nikolla si dhe nga kreu i grupit parlamentar të Partisë Socialiste Taulant Balla. Duke përdorur të njëjtin mjet komunikimi, Nikolla tha se kjo marrëveshje realizon njohjen reciproke të kontributeve e përfitimeve të pensioneve dhe se sapo të nisë sesioni i ri parlamentar njohja e pensioneve do të jetë nga një prioritetet e bisedimeve.