I dërguari i Bashkimit Evropian për dialogun Kosovë-Serbi, Mirosllav Lajçak tha se në dialogun e zhvilluar mes përfaqësuesve të të dy shteteve në Bruksel, është arritur përparim i plotë në diskutimet rreth bashkëpunimit ekonomik dhe çështjes së personave të pagjetur dhe të zhvendosur.“Është e rëndësishme që dy liderët, teksa vinin nga takimet e Shtëpisë së Bardhë, konfirmuan se janë të lidhur me prioritetet e integrimit në BE dhe në vazhdimin e punës për dialogun Beograd-Prishtinë, të ndërmjetësuar nga Bashkimi Europian”, u shpreh ai pas takimit. Lajcak konfirmoi pohimet e Vucic se në takim u diskutuan çështjet e komuniteteve joshumicë, dhe pretendimet e të përbashkëta financiare e pronësore.“Ky ka qenë këmbimi i parë që na ka lejuar neve të përcaktojmë hapat e ardhshëm të diskutimeve tona. Takimi ynë i radhës do t’i kushtohet këtyre temave”, deklaroi ai. Përmes të tjerash, u përmend edhe fakti që bisedimet nuk kanë qenë të lehta, por sërish konsiderohet se është shënuar përparim.