SPAK goditi një rrjet ndërkombëtar të trafikut të kokainës nga vendet e Amerikës Latine, e trafikuar dhe përpunuar në Shqipëri. Trafikantët kishin zgjedhur Qerekën në Fushë Krujë për përpunimin e kokainës, por kishin dhe ambiente ndihmëse në Tiranë dhe Durrës, si pika strategjike të infrastrukturës kombëtare. Sipas informacioneve, zona ku ndodhej laboratori i drogës ishte zgjedhur jo rastësisht pranë aeroportit të Rinasit, pasi ishte e vështirë të kontrollohej me dron për shkak të fluturimeve të shumta.Laboratori pranë aeroportit dhe dy bazat e vendosura në portin e Durrësit dhe në Tiranë vështirësonin monitorimin e prokurorisë dhe policisë nga njëra anë dhe nga ana tjetër i siguronte grupit të strukturuar kriminal akses të lehtë në insfrastrukturën e shpërndarjes së lëndës narkotike. Përzgjedhja e këtyre lokacioneve tregon qartazi një planifikim të kujdesshëm, ku distanca e afërt me nyjet kryesore të logjistikës kombëtare ishte një faktor kyç për funksionimin pa ndërprerje të këtij rrjeti kriminal. Grupi i identifikuar mes tyre financues dhe me role të qarta në trafik përbëhet nga Geis Fejsullai, Klajd Birce, Albi Zonja, Artion Caushllari, Endi Sejdini, Ismail Abdurramani dhe Baki Huqi.