Rishpallet vakanca nga Kuvendi pas mbarimit të mandatit të ish gjyqtares të Gjykatës Kushtetuese, Elsa Toska. Me tetë vota pro, deputetët e komisionit të ligjeve miratuan hapjen e procedurës së aplikimit për këtë vend vakant, ku Kuvendi është organ emërtese. Deputeti i Partisë Demokratike, Oerd Bylykbashi pati pretendime për kapje të kësaj gjykate teksa kryetari Ulsi Manja i kujtoi se ndryshimet kushtetuese i kanë miratuar bashkarisht në vitin 2016. Bylykbashi: “Kushtetëbërësi kur miratoi këtë dispozitë pavarësisht debatit, këto lloj detajesh nuk i zgjidhi si duhet, veçanërisht mekanizmin e rrotacionit. Një e treta do të thotë që duhet të ishin rregulluar të tre mandatet. Të gjitha piruetat që po bëhen me vendime të Gjykatës Kushtetuese, që çon tek objektivi final që në atë kohë që është denoncuar në atë kohë: kapja e GJK thjesht është akt tjetër në vazhdim. Qëndrimi në detyrë përbën pavarësinë, ndërhyrja tek kohëzgjatja është ndërhyrje të pavarëisa.