Gjykat Kushtetuese I ka dhënë të drejtë magjistratëve për çështjen e pagave duke pranuar pjesërisht kërkesën e bërë prej tyre. Pas një debati të gjerë me kryeministrin Rama për çështjen e pagave, Kushtetuesja ka vendosur të pranojë pjerësisht kërkesën e tyre duke shfuqizuar fjalinë e parë të shkronjës “a” të nenit një, si dhe atë të pikës 2 të nenit 2 të ligjit numër 33/2023 “Për një ndryshim në ligjin numër 96/2016 “për statusin e gjyqatërve dhe prokurorëve në republikën e shqipërisë” duke e cilësuar si të papajtueshëm me Kushtetutën e vendit. Sipas këtyre ndryshimeve të miratuara nga Kuvendi në vitin 2023 “paga referuese bazë për funksionet gjyqësore dhe të prokurorisë, do të ishte e e njëjtë me shumëzimin e koeficientit 0.36 me pagën e Presidentit të Republikës” Ndërsa pika 2 e nenit 2 parashikonte që: “Për vitin 2023 paga referuese bazë për funksionet gjyqësore dhe të prokurorisë të përllogaritej sipas këtij ligji nga data 1 prill, duke u bazuar, për efekt të përllogaritjes, në pagën e Presidentit të Republikësme vlerë 425000 (katërqind e njëzet e pesë mijë) lekë.” Por kushtetuesja argumenton se këtu kemi një ulje të pagës së magjistratëve dhe këto ndryshime bien ndesh me nenin 138 të kushtetutës të vitit 2008, që paga e magjsitratëve nuk duhet të ulen. Parashikimet ligjore të formulës së llogaritjes së pagës, thotë Kushtetuesja, duhet të jenë objektive, të parashikueshme, të qëndrueshme dhe transparente, në nëmyrë që të përjashtojnë çdo ndërhyrje arbitrare nga pushtetet e tjera dhe t’i shëbrejnë pavarësisë së pushtetit gjyqësor.