Vijon të mbahet e bllokuar dhe shtyhet konstituimi i Gjykatës Kushtetuese. Këshilli i Emërimeve në Drejtësi që kryesohet nga Vitore Tusha, kreu i Gjykatës Kushtetuese ka eleminuar katër kandidatura që kanë garuar për t’u bërë anëtarë të institucionit që intepreton ligjin themeltar të shtetit shqiptar. Këshilli i Emërimeve në Drejtësi në mbledhjen e fundit, ku kanë marrë pjesë edhe përfaqësuesja e OPDAT, vendosi ndalimin e kandidimit të kandidatëve për gjyqtarë në Gjykatën Kushtetuese të Serxhio Mazrekut, Sinan Tafajt, Shaqir Hasanajt dhe Zhaklina Peto. Kandidatët për të cilët është vendosur ndalimi, kanë patur mangësi të një apo disa kushteve të parashikuara nga Kushtetuta dhe ligji. Kandidatët kanë të drejtën e ankimit në Gjykatën Administrative të Apelit, jo më vonë së 5 ditë nga dita e njoftimit të vendimit të arsyetuar, - shkruhet në njoftimin zyrtar. Në vendimin e tij këshilli ka vendosur vijimin e e verifikimit për shyrtimin e gjetjeve për kandidatët; Sonila Bejtja dhe Eugen Papandile. Gjykata Kushtetuese, që prej një viti vijon të mbetet totalisht në tako dhe është përfshirë në një luftë ndërmjet Presidentit Ilir meta dhe Parlamentit. Kjo çështje shkoi edhe në Komisionin e Venecias, i cili në fakt nuk se zgjidhi ndonjë nyjë, por duke kërkuar nga palët të kontribuonin secila në një kontribut kontruktiv.