Hamasi ka propozuar një plan armëpushimi që do të ndalte armët në gaza për katër muaj e gjysmë, periudhë gjatë të cilës të gjithë pengjet do të liroheshin, izraeli do të tërhiqte trupat nga rripi i gazës dhe një marrëveshje do të arrihej për ti dhënë fund luftës. Propozimi i grupit militant, është një përgjigje ndaj një oferte të dërguar javën e shkuar nga ndërmjetësuesit nga katari dhe egjipti, dhe vjen në mesin e përpjekjes më të madhe diplomatike të deritanishme për një ndalim të gjatë të luftimeve. E ky propozim është pritur me shpresë dhe clirim në rripin e Gazës. Nuk ka ende një përgjigje publike nga Izraeli, i cili ka thënë se nuk do të tërheqë trupat nga gaza deri sa Hamasi të jetë shfarosur. Sipas një draft-dokumenti të parë nga Reuteres, kunërpropozimi i Hamasit parashikon një ndalim lufte në tre faza, secila prej të cilave zgjat 45 ditë. Militantët do të shkëmbenin pengjet e mbetura izraelite me të burgosur palestinezë. Rindërtimi i gazës do të fillonte, forcat izraelite do të tërhiqeshin plotësisht dhe trupat e pajetë do të shkëmbeheshin. Sekretari amerikan i shtetit, Antoni Blinken mbërriti gjatë natës në Izrael, pasi u takua me liderët e katarit dhe egjiptit në përpjekjen më serioze diplomatike të luftës, deri më tani, që ka si qëllim arritjen e një armëpushimi të qëndrueshëm. Një burim i afërt me negociatat tha se kundërpropozimi i Hamasit nuk kërkon një garanci për armëpushimin e përhershëm por nënvizon se fundi i luftës duhet të arrihet përmes bisedimeve, para se pengjet e fundit të lirohen.