Organizata Botërore e Shëndetësisë (OBSH) ka paralajmëruar se spitalet e Gazës janë në " prag të kolapsit ", ndërsa pushtimi tokësor i ushtrisë izraelite po depërton më thellë në enklavë. Shefi i OBSH-së, tha të enjten se sulmi izraelit, aktualisht i përqendruar në Qytetin e Gazës, po “nxit valë të reja zhvendosjesh, duke i detyruar të largohen në një zonë gjithnjë e më të vogël dhe të papërshtatshme për ta”. Gjatë në konference për shtyp në Gjenevë, ai ka denoncuar ‘kushtet çnjerëzore’ në Gaza. “Të plagosurit dhe personat me aftësi të kufizuara nuk mund të lëvizin në një vend të sigurt, gjë që e vë jetën e tyre në rrezik të madh”, tha shefi I OBSH, Tedros. “Ne bëjmë thirrje për t’i dhënë fund menjëherë këtyre kushteve çnjerëzore. Ne bëjmë thirrje për armëpushim.” Bëri thirrje ai. Tanket dhe avionët luftarakë izraelitë bombarduan qytetin e Gazës të enjten, duke bërë që radhë të gjata civilësh palestinezë të largoheshin, ndërsa ushtria intensifikoi sulmin e saj. Linjat e internetit dhe telefonike u ndërprenë në të gjithë enklavën. Ushtria izraelite përqendroi sulmet në zonat qendrore dhe perëndimore, ku ndodhet edhe streha e shumicës së popullsisë.