Kamala Harris do të jetë një kundërshtare për shtëpinë e bardhë, akoma më e lehtë për tu mundur se sa Joe Biden, thotë Donald Trump, duke folur përmes telefonit me CNN, televizionin amerikan më kritik ndaj tij, pas tërheqjes së Biden dhe mbështetjes së tij për zëvendëspresidenten Harris. “Është presidenti më i keq në historinë e vendit tonë. Do të hyjë në histori si presidenti më i keq”, ka shtuar Trump. Më pas, ai e ka trajtuar temën edhe në rrjetin e tij Social Truth, duke pretenduar se të gjithë e dinin që nga fillimi se biden nuk ishte i përshtatshëm për të udhëhequr vendin. “I pandeshtmi Joe Biden nuk ishte i denjë të kandidonte për presidencën dhe sigurisht nuk ishte i denjë të shërbente si president. Nuk ka qenë kurrë. Ai e mori presidencën vetëm falë gënjeshtrave, lajmeve të rreme dhe pa dalë nga bodrumi i tij. Të gjithë ata që e rrethonin, përfshirë mjekun e tij dhe mediat, e dinin se nuk ishte në gjendje të bëhej president. Nëse Biden nuk mund të kandidojë, nuk mundet as të qeverisë vendin”, ka vijuar ai në një postim tjetër. “Kush po e udhëheq vendin tonë në këtë moment”, pyet Trump...duke shtuar: Sigurisht jo Biden...ai as nuk e ka idenë ku ndodhet. Nëse nuk është në gjendje të kandidojë nuk mundet as të udhëheqë”.