Taylor Sëift është paditur në gjykatë nga një park lojërash në shba, i quajtur Evermore, që thotë se albumi i fundit i këngëtares ka cënuar markën e tij duk përdorur të njëjtin emër. Pronarët e parkut të argëtimit, thanë se albumi Evermore i Sëift, ka shkaktuar konfuzion për një lidhje të mundshme të tyre. Parku që ndodhet në Utah tha se ka patur një rënie dramatike të nivelit normal të trafikut në ëebsite-n e tij në javën që pasoi publikimin e albumit. Avokatët e Sëift thanë ndërkohë se pretendimi i parkut të argëtimit është i pabazë. Ata shkruan në një letër të paraqitur në gjykatë: Parku nuk ka pësuar asnjë dëmtim por përkundrazi, publikimi i albumit ka krijuar për të një mundësi të shkëlqyer marketingu. Por, pronarët e parkut, që kërkojnë miliona dollarë dëmshpërblim, kanë thënë se emri i markës i përket atyre dhe se Sëift ka shkelur të drejtën e tyre kur hodhi në treg albumin. Në padinë e paraqitur në gjykatë, pronarët thonë se kanë shpenzuar miliona dollarë në atraksionin që u hap në 2018. Në dhjetor, ata i kishin shkruar një letër ekpit ligjor të Sëift, duke thënë se ishin të hapur për të diskutuar kushte të arsyeshme për cënimin e markës. Evermore, u publikua më 10 dhjetor dhe ishte albumi i dytë surprizë i Sëift i 2020 dhe u cilësua si një simotër i Folklore, që u prezantua në korrik. Të dy albumet ishin suksese të vërteta duke u ngjitur në majat e klasifikimeve në të gjithë botën. Pamjet: AFP