Valvitja e flamurit të Kosovës në këtë 18 vjetor të pavarësisë të fituar mes shumë sakrificash, çeli manifestimet shtetërore këtë 17 shkurt. Në mesazhin e saj për popullin e Kosovës, presidentja Vjosa Osmani nënvizoi se rëndësinë e të qënit të bashkuar. Osmani: “I uroj të gjithë qytetarët e Republikës së Kosovës për 18-vjetorin e Pavarësisë së shtetit tonë sovran dhe të pavarur. Është një ditë ku të gjithë bëhemi bashkë. Në radhë të parë për të festuar këtë përvjetor të shtetit tonë të ri, i cili tashmë po hyn në moshë të pjekurisë, dhe në të njëjtën kohë bëhemi bashkë për të përkujtuar të gjithë ata që sakrifikuan gjithçka që ne sot ta gëzojmë shtetin. Natyrisht që sakrifica për të arritur deri këtu ka qenë shekullore. Shpeshherë ne fokusohemi te vitet e fundit, 80-ta e 90-ta, por në fakt kanë qenë breza të tërë që kanë dhënë gjithçka në mënyrë që ne sot ta gëzojmë shtetin e pavarur të Kosovës.” Në mbledhjen solemne të qeverisë, Albin Kurrti tha se në këtë ditë feste dhe reflektimi nuk mund të mos kujtohet ish krerët e UÇK-së që mbahen padrejtësisht në Hafë,