I dërguari i posaçëm i SHBA-së për Ballkanin Perëndimor, Gabriel Escobar ka zbuluar detaje nga takimi i fundit mes kryeministrit Albin Kurti dhe presidentit serb Aleksandër Vucic, gjatë një intervistë për mediat në Beograd. Sipas zyrtarit amerikan, gjëja më e rëndësishme që është arritur në Bruksel, është zotimi i Kurtit dhe Vuçic për tu takuar cdo muaj me ndërmjetësim e BE. Escobar thotë se takimi i fundit mes dy palëve në Bruksel më 18 gusht ishte pozitiv, profesional dhe paqësor. “Ishte inkurajuese të shohësh atë nivel të transparencës në prezencën e Përfaqësuesit të Lartë te BE-së Borrell dhe Lajçak. Kështu që, mendoj se në horizont kemi fillimin e përmirësimit të marrëdhënive dypalëshe”, ka deklaruar ai duke folur për gazetën serbe N1. Ai u ndal edhe tek komenti i ambasadorit amerikan në Beograd, Christian Hill se pala shqiptare ishte e papërgatitur për dialog.