Tradhtia është një ‘gjemb’ i zakonshëm në shumë marrëdhënie afatgjata dhe mund t'u ndodhë edhe familjeve më të mira, por kjo sigurisht që nuk do të thotë se nuk i lëndon thellë, madje edhe duke i rrezikuar t'u shkatërrojë jetën. Sipas një studimi të universiteteve amerikane në Nju Jork dhe Kaliforni, ka një moshë në të cilën një mashkull ka më shumë gjasa të tradhtojë partneren e tij. Hulumtuesit shqyrtuan të dhëna nga profilet e meshkujve në një faqe interneti takimesh mes të martuarve, zbuluan se mosha më "kritike" është 39 vjeç dhe përgjithësisht viti i fundit i një dekade të jetës sonë. Shkencëtarët Adam L. Alter dhe Hal E. Hershfield analizuan profilet e miliona burrave "të pabesë" për të arritur në përfundimin se mes tyre "ka 18% më shumë në moshat që mbarojnë në 9". Siç supozojnë ata, sjellja e tyre, nëse jo sistematike, mund të lidhet me një krizë të mesit të jetës, e cila i shtyn ata të kërkojnë kuptimin e jetës së tyre, në marrëdhënie jashtëmartesore. Natyrisht, ka gjithmonë një tradhti hakmarrëse, në të cilën njëri partner përpiqet të marrë hakun e tij për ndonjë incident të kaluar të tradhtisë bashkëshortore nga partneri tjetër. Pamjet: AFP