Në një luginë me baltë jashtë Kievit, një grup ushtarësh me veshje kamuflazhi, po mësojnë bazat e luftës, në rusisht. Një batalion i sapo krijuar brenda ushtrisë ukrainase përbëhet nga rreth 50 rusë që kanë ardhur të luftojnë kundër bashkëqytetarëve të tyre. “E mora vendimin që të vij në Ukrainë sa më shpejt që të mundesha për të luftuar kundër Rusisë, kundër regjimit të Putinit, kundër imperializmit”, thotë një prej tyre, që ka zgjedhur si emër lufte Grecha. Lufta në ukrainë ka tërhequr një mori vullnetarësh të huaj, pjesa më e madhe e të cilëve shërbejnë në legjionin e huaj të ushtrisë, që përfshin edhe batalionin siberian. Luftëtarët mbulojnë fytyrat dhe nuk duan të tregojnë emrat e vërtetë. Ata janë të gjithë rusë etnikë, me këndvështrime të hershme opozitare dhe pjesëtarë të grupeve etnike minoritare të siberisë. E kjo nuk është e vetmja njësi ruse që lufton për ukrainën. Në pranverë, dy njësi të tjera u vunë në qendër të vëmendjes pas një sulmi të shkurtër përtej kufirit rus, trupat vullnetare ruse që kanë lidhje me të djathtën ekstreme dhe huliganët e futbollit, dhe njësia tjetër e quajtur legjioni për lirinë e rusisë. “Grecha thotë se ka lindur në krimenë e ukrainës por ka jetuar në Moskë, ku edhe punonte si mjek emergjencash. “Ne duhet të clirojmë ukrainën, vendin ku kam lindur, krimenë, kjo është ëndrra ime”, thotë ai. Grecha thotë se i ishte bashkuar protestave të opozitës kundër luftës, por e kishte kuptuar se ato ishin të kota. “Në rusi, për momentin, ka diktaturë dhe unë nuk jam aspak i kënaqur me këtë. Shteti i jep gjithnjë e më pak liri qytetarëve të tij. Herët apo vonë rusia do të kthehet në një kamp të madh përqendrimi, cka thellë thellë është që tani”, thotë ai. Një tjetër luftëtar, Shved, apo suedezi, thotë se është larguar nga rusia një dekadë më parë për shkak të persekutimit politik dhe se kishte jetuar në suedi që nga 2011. Ai kishte marrë pjesë në aktivitetet anti qeveritare në rusi prej kohësh dhe në fund ishte detyruar të largohej nga vendi. Emra të njohur në rusi, i janë bashkuar batalionit siberian, përfshirë Alekse Makarov, një ish anëtar i partisë kombëtare bolshevike, që ka marrë azil në seudei si edhe aktivisti anti-kremlin, Ildar Dadin. Në këtë luftë, ukraina qëndron në anën e duhur – thotë suedezi, duke shtuar se fitorja i takon asaj.