Tre persona janë vënë në pranga nga policia e Vlorës, pasi akuzohen për kultivim dhe shitje të lëndëve narkotike. Uniformat blu bënë me dije se në pranga janë vënë një 16 vjecar dhe një 34 vjecar, pasi sipas policisë këta të rinj në bashkëpunim me një person tjetër, kanë kultivuar bimë të dyshuar kanabis, në një zonë të pyllëzuar në fshatin Beshisht. Në pranga gjithashtu është vënë një 39 vjecar, banues në fshatin Babicë, të Vlorës, pasi gjatë kontrollit të ushtruar nga policia, në automjetin e tij, u gjetën dhe sekuestruan në cilësinë e provës materiale doza me lëndë narkotike të dyshuar kokainë. Uniformat blu nuk dhanë ndonjë informacion nëse kjo sasi e lëndës narkotike po dërgohej për shitje, apo nëse I riu ishte konsumues i drogës. Ndërkohë policia vijon punën pa u ndalur për goditjen e aktivitetit kriminal në fushën e prodhimit dhe shpërndarjes së lëndëve narkotike, si dhe për kapjen e autorëve të tjerë të përfshirë në këtë fushë. Materialet i kaluan Prokurorisë, për veprime të mëtejshme.